“Kapital Bank”ın istiqrazlarına investorlardan böyük maraq

“Bakı Fond Birjası” QSC-də (BFB) “Kapital Bank” ASC-nin 50 milyon manatlıq faizli, təmin edilməmiş, sənədsiz və adlı istiqrazlarının yerləşdirilməsi üzrə hərrac keçirilib.

Hadisələr.info “Report”a istinadən xəbər verir ki, BFB-nin məlumatına görə, hər birinin nominal dəyəri 100 manat olan 500 000 ədəd istiqraz kütləvi hərrac üsulu ilə satışa çıxarılıb. İstiqrazlara 336 investor tərəfindən ümumilikdə 146 milyon 161,8 min manatlıq 406 sifariş təqdim olunub.

Təqdim olunan sifarişlərdən 314 investora aid 383-ü icra olunub və bununla da yerləşdirmə prosesi tam baş tutub.

Qeyd edək ki, istiqrazların illik gəlirliliyi 10 faiz təşkil edir və faiz ödənişləri aylıq əsasda həyata keçiriləcək. Prosesin anderrayteri “PAŞA Kapital İnvestisiya Şirkəti” QSC-dir. Emitent tərəfindən tədavül müddətində qiymətli kağızların geri alınması nəzərdə tutulmayıb.