Sabah güclü külək əsəcək — XƏBƏRDARLIQ

Sabah Bakıda, Abşeron yarımadasında və bəzi bölgələrdə hava şəraitinin dəyişəcəyi və güclü külək əsəcəyi gözlənilir.

Hadisələr.info “Report”a istinadən xəbər verir ki, bu barədə Milli Hidrometeorologiya Xidməti sarı xəbərdarlıq yayıb.

Xidmətin məlumatına görə, Bakıda və Abşeron yarımadasında şimal-qərb küləyi əsəcək. Naxçıvan MR, Goranboy, Daşkəsən, Naftalan, Qobustan, Qusar, Xaçmaz, Siyəzən, Şabran, Xızı, Yevlax, Bərdə, Mingəçevir, Cəlilabad, Biləsuvar, Neftçala, Salyan və Hacıqabulda isə cənub-şərq küləyi üstünlük təşkil edəcək. Sarı xəbərdarlığa uyğun olaraq küləyin sürətinin 13.9–20.7 m/san olacağı proqnozlaşdırılır.