Kim Çen In: “Məqsədimiz dünyanın ən güclü ordusunu yaratmaqdır”

Şimali Koreya lideri Kim Çen In dünyanın ən güclü silahlı qüvvələrini formalaşdırmağı ölkənin əsas prioritetlərindən biri elan edib.

hadiseler.info xəbər verir ki, Koreya Mərkəzi Teleqraf Agentliyinin (KCNA) məlumatına görə, oktyabrın 22-23-də Pxenyanda Koreya Xalq Ordusunun bölük komandirlərinin üçüncü toplantısı keçirilib. Fevral ayından sonra ilk dəfə təşkil edilən ümumordu tədbirində hərbi bölmələrin gücləndirilməsi, onların döyüş qabiliyyətinin artırılması və elit hərbi birləşmələrə çevrilməsi məsələləri müzakirə olunub.

Kim Çen Inın rəhbərliyi ilə keçirilən toplantıda ordunun inkişafı sahəsində əldə olunan nailiyyətlər və mövcud təcrübə hərtərəfli nəzərdən keçirilib. Tədbir zamanı Şimali Koreya lideri ölkə qarşısında duran əsas məqsədin dünyanın ən güclü silahlı qüvvələrini yaratmaq olduğunu vurğulayıb.