Kiyev sakinlərinə çağırış edildi: Şəhəri müvəqqəti tərk edin

Kiyev şəhərinin meri Vitali Kliçko Rusiyanın davam edən hücumları fonında Ukrayna paytaxtının sakinlərinə müvəqqəti olaraq şəhərdən getməyi tövsiyə edib.  

hadiseler.info xəbər verir ki, bu barədə Kliçko “France-Presse” agentliyinə müsahibəsində bildirib.  

Mer şəhərin “sağ qalma rejiminə” keçdiyini vurğulayaraq, Rusiyanın kritik infrastruktur obyektlərinə endirdiyi zərbələrin yarada biləcəyi böhran təhlükəsi səbəbindən imkanı olan şəxslərin Kiyevi müvəqqəti tərk etmələrini məsləhət görüb. Kliçko əlavə edib ki, hava hücumundan müdafiə sistemləri işləmədikdə vəziyyət acınacaqlı ola bilər.  

Bununla belə, mer şəhərin tam təxliyə olunmasının nəzərdə tutulmadığını qeyd edib. Onun sözlərinə görə, tam təxliyə Rusiyanın boşalmış Ukrayna şəhərlərini asanlıqla ələ keçirməsi üçün əlverişli ssenari yarada bilər.