Kolumbiyada dəhşətli zəlzələ: Ölənlərin sayı 100-ü keçdi

Kolumbiyada baş verən 7,4 maqnitudalı güclü zəlzələ nəticəsində həlak olanların sayı 100 nəfəri ötüb.

hadiseler.info xəbər verir ki, fəlakət ölkənin bir çox bölgəsində ciddi dağıntılara səbəb olub.

Yeraltı təkanların episentri San-Xose-del-Palmar bələdiyyəsində qeydə alınıb. Güclü zəlzələ paytaxt Boqota, Pereyra, Kali və Manisales şəhərlərində də hiss edilib. Sakinlər təşviş içində küçələrə axışıblar.

Çoko departamentində çoxlu sayda ev çöküb, infrastruktura ziyan dəyib. Kali şəhərinin meri Aleksandro Eder 19 binanın ciddi zədələndiyini bildirib. Dağıntılar altında qalanların xilas edilməsi üçün digər şəhərlərdən kömək istənilib.

Təbii fəlakət yollarda torpaq sürüşmələrinə də yol açıb. Fresno – Manisales şosesində hərəkət tamamilə dayanıb. Xilasedicilər axtarış işlərini fasiləsiz davam etdirirlər.