Konqoda Eboladan ölənlərin sayı artdı

Konqo Demokratik Respublikasında (KDR) Ebola qızdırması səbəbindən həyatını itirənlərin sayı sürətlə artmağa davam edir.

hadiseler.info xəbər verir ki, bu barədə Konqo Milli İctimai Səhiyyə İnstitutunun yayımladığı gündəlik bülletendə məlumat verilib.

Məlumatda bildirilir ki, son 24 saat ərzində ölkədə Eboladan daha 23 nəfər ölüb və bununla da laboratoriyada təsdiqlənmiş ölüm hallarının ümumi sayısı 3 699-a çataraq 3 700-ə yaxınlaşıb. Gün ərzində yoluxanların sayısı isə 58 nəfər artaraq 7 672-yə yüksəlib. Epidemiyada ölüm nisbəti 48.2 faiz təşkil edir.

Hazırda xəstəlik əlamətləri olan 900-dən çox şəxs xəstəxana və tibbi təcridxanalarda müalicə olunur. Ölkənin 26 əyalətindən 7-si epidemiyadan zərər çəkib.

Xatırladaq ki, mayın 15-də KDR və Uqandada başlayan bu epidemiya Afrikada bütün müşahidələr tarixi ərzində ölüm nisbətinə görə ikinci ən böyük fakt kimi qeydə alınıb. Uqanda avqust ayında epidemiyanın sona çatdığını elan etsə də, KDR-də sayca 17-ci olan bu epidemiya tüğyan etməkdə davam edir.