Azərbaycanın Türkiyədəki yeni səfiri Yaşar Gülər ilə görüşüb

Türkiyənin milli müdafiə naziri Yaşar Gülər Azərbaycanın Ankaradakı yeni fövqəladə və səlahiyyətli səfiri Rəşad Aslanovu qəbul edib.

hadiseler.info xəbər verir ki, bu barədə azərbaycanlı diplomat “X” sosial şəbəkəsindəki rəsmi hesabında paylaşım edib.

Diplomat Türkiyənin milli müdafiə naziri ilə keçirilən görüşün səmərəli olduğunu vurğulayıb: “Bu gün Türkiyənin milli müdafiə naziri Yaşar Güləri ziyarət etməkdən və onunla səmərəli fikir mübadiləsi aparmaqdan çox məmnun oldum. Səmimi qəbula və qonaqpərvərliyə görə cənab nazirə dərin minnətdarlığımı bildirirəm”.