Krasnodarda dəhşətli hücum: PUA zərbəsi nəticəsində iki uşaq həlak oldu

Ukrayna Silahlı Qüvvələri Rusiyanın Krasnodar diyarında yerləşən Yeysk dəniz limanına pilotsuz uçuş aparatları ilə (PUA) hücum təşkil edib.

hadiseler.info “RBC-Ukraine” nəşrinə istinadən xəbər verir ki, hava zərbələri nəticəsində liman ərazisindəki gəmilərdən birinə ciddi ziyan dəyib. Krasnodar diyarının qubernatoru Veniamin Kondratyev zərbələrin həm hərbi infrastruktura, həm də mülki obyektlərə dəydiyini təsdiqləyib.

Dron hücumu zamanı Yeysk şəhərində iki azyaşlı uşaq həlak olub, daha iki nəfər isə müxtəlif dərəcəli xəsarətlərlə xəstəxanaya yerləşdirilib. Hadisə yerində fəsadların aradan qaldırılması istiqamətində işlər aparılır.