Kürdəmirdə iki yük maşını toqquşdu – Ölən var

Bakı–Qazax magistral yolunun Kürdəmir rayonunun Qarabucaq kəndi ərazisindən keçən hissəsində ölümlə nəticələnən ağır yol-nəqliyyat hadisəsi baş verib.

hadiseler.info xəbər verir ki, İmişli rayon sakini, 1966-cı il təvəllüdlü Mahmud Əliyevin idarə etdiyi “Isuzu” markalı yük avtomobili yol kənarında dayanmış “Mercedes” markalı yük avtomobilinə çırpılıb.

Ağır qəza nəticəsində “Isuzu”da olan sərnişin, 1980-ci il təvəllüdlü Taleh Cabbarov aldığı xəsarətlərdən hadisə yerində dünyasını dəyişib. Sürücü Mahmud Əliyev isə müxtəlif dərəcəli bədən xəsarətləri alıb.

Faktla bağlı aidiyyəti qurumlar tərəfindən araşdırma aparılır.