Kurık limanının ötürücülük qabiliyyəti artırıldı

Qazaxıstanın Kurık limanında PPM-1 və PPM-2 dartma körpülərinin modernləşdirilməsi işləri yekunlaşıb.

Hadisələr.info xəbər verir ki, Nəqliyyat Nazirliyinin məlumatına görə, bu yenilənmə bərələrin aşırılması prosesini sürətləndirməyə və daşınan yüklərin həcmini artırmağa imkan verib.

Görülən işlər nəticəsində dəmir yolu bərələrinə xidmət müddəti 18 saatdan 12 saata, avtomobil bərələrininki isə 10 saatdan 6 saata endirilib. Eyni zamanda, dəmir yolu bərələrinin tutumu 40 vaqondan 48 vaqona qaldırılıb.

Modernləşdirmə tədbirləri Kurık limanının Transxəzər Beynəlxalq Nəqliyyat Marşrutunda (Orta Dəhliz) rolunu gücləndirməklə yanaşı, Qazaxıstanın tranzit potensialını da əhəmiyyətli dərəcədə genişləndirir.