Laçında Azərbaycan və Ermənistan nümayəndələri arasında enerji görüşü keçirilib

Avqustun 25-də Laçın şəhərində Azərbaycanın Energetika Nazirliyinin və “Azərenerji” ASC-nin, eləcə də Ermənistanın Ərazi İdarəetmə və İnfrastruktur Nazirliyinin və “Elektrik Enerjisi Sisteminin Operatoru” şirkətinin nümayəndələri arasında işgüzar görüş baş tutub.

hadiseler.info xəbər verir ki, Nazirlər Kabinetinin yaydığı məlumata əsasən, görüş çərçivəsində tərəflər iki ölkə arasında elektrik enerjisinin idxalı və ixracı imkanlarını nəzərdən keçiriblər. Həmçinin bu məqsədlə Azərbaycan və Ermənistanın enerji infrastrukturlarının dövlət sərhədində əlaqələndirilməsinin mümkün variantları ətrafında müzakirələr aparılıb.