Məşhur amerikalı dizayner vəfat etdi

Hollivud ulduzlarının sevimli modelyeri, dünyaca məşhur amerikalı moda və kostyum dizayneri Bob Maki 87 yaşında dünyasını dəyişib.

hadiseler.info xəbər verir ki, bu barədə məlumat dizaynerin rəsmi sosial şəbəkə hesabında paylaşılıb.

Yayımlanan bəyanatda qeyd olunur: “Cənab Bob Makinin vəfat etdiyi xəbərini böyük kədər hissi ilə bölüşürük. Onun parlaq və qeyri-adi dizaynları əbədi yaşayacaq və bu dünyaya gözəllik qatmağa davam edəcək”.

Zəngin karyerası ərzində Bob Maki Opra Uinfri, Şer, Tina Törner, Britni Spirs kimi dünyaca məşhur ulduzlar üçün unikal geyimlər hazırlayıb. Uğurlu fəaliyyətinə görə o, 9 dəfə “Emmi” mükafatına layiq görülüb və 3 dəfə “Oskar” mükafatına namizəd göstərilib.