Nazir:Kəlbəcərə 148 mindən çox arı ailəsinin köçürülməsinə icazə verilib  

Bu ilin mövsümi köç dövründə Kəlbəcər rayonu ərazisinə 3396 fermerə məxsus 148 min 308 arı ailəsinin köçürülməsinə icazə verilib.  

hadiseler.info xəbər verir ki, bu barədə Azərbaycanın kənd təsərrüfatı naziri Məcnun Məmmədov Kəlbəcərdə keçirilən İkinci Bal Festivalında çıxışı zamanı bildirib.  

Nazir qeyd edib ki, mövsümi arıçılıq təsərrüfatlarının işğaldan azad edilmiş ərazilərə (Laçın və Kəlbəcər rayonlarına) köçürülməsinə 2021-ci ildən başlanılıb. Onun sözlərinə görə, azad edilmiş torpaqların zəngin florası və təbii şəraiti arıçılığın inkişafı üçün böyük potensial yaradır və Kəlbəcər bu sahədə ən mühüm yaylaq ərazilərindən birinə çevrilib.