Məleykə Abbaszadədən abituriyentlərə xəbərdarlıq

Dövlət İmtahan Mərkəzinin (DİM) Mətbuat Şurası və DİM rəhbərliyinin iştirakı ilə keçirilən görüşlər çərçivəsində abituriyentlərə mühüm çağırış edilib.

hadiseler.info xəbər verir ki, Dövlət İmtahan Mərkəzinin sədri Məleykə Abbaszadə abituriyentləri ixtisas seçimi zamanı diqqətli olmağa çağırıb.

DİM sədri bildirib ki, sırf ali təhsil müəssisəsinə qəbul olunmaq xatirinə kor-koranə ixtisas seçilməməlidir: “Abituriyentlər ixtisasın adına aldanmadan, öz sevdikləri peşəni seçməlidirlər. Çünki əks halda gələcəkdə həmin sahədə perspektiv olmaya bilər. Seçilən ixtisas gələcəkdə gənclərə sevdiyi işlə məşğul olmaq imkanı verməlidir”.