“Qarabağ”ın matçına görə Bakı metrosunda iş rejimi dəyişdirilir

Bu gün keçiriləcək “Qarabağ” – “Dinamo” (Kiyev) oyunu ilə əlaqədar Bakı metrosunda xüsusi iş rejimi tətbiq olunacaq.

hadiseler.info xəbər verir ki, UEFA Konfrans Liqasının III təsnifat mərhələsinin cavab oyunu çərçivəsində Tofiq Bəhramov adına Respublika stadionuna gələcək azarkeşlərin rahatlığı üçün “Gənclik” stansiyası gücləndirilmiş iş rejimində fəaliyyət göstərəcək.

“Bakı Metropoliteni” QSC-dən bildirilib ki, zərurət yaranacağı təqdirdə xəttə ehtiyat qatarlar buraxılacaq və növbətçilik üzrə əlavə işçi qüvvəsi ayrılacaq. Eyni zamanda “Nərimanov” və “28 May” stansiyalarında da müvafiq ehtiyat tədbirləri görüləcək.

Xatırladaq ki, saat 20:00-da başlayacaq qarşılaşmadan əvvəl Polşada keçirilən ilk görüşdə Ukrayna təmsilçisi 1:0 hesabı ilə qalib gəlib.