Məşhur stilist Anar Atakişiyevin çantasında cihaz partladı

Məşhur stilist Anar Atakişiyev Çində hava limanında təhlükəli anlar yaşayıb.

Hadisələr.info xəbər verir ki, stilistin çantasındakı powerbank qəflətən partlayıb. Nəticədə Anar Atakişiyev müxtəlif yanıq xəsarətləri alıb.

Stilist bildirib ki, partlayış zamanı saçlarının bir qismi yanıb, eyni zamanda ağız və dodaq nahiyəsində yanıqlar əmələ gəlib.

Baş verən hadisə ilə bağlı sosial şəbəkə hesabında məlumat verən A.Atakişiyev yaşadığı qorxulu anları izləyiciləri ilə paylaşıb. Hadisənin detalları barədə hələlik əlavə açıqlama verilməyib.