M1 ekspres avtobuslarında yenilik: İkinci validatorlar quraşdırılır

“Bakı Metropoliteni” QSC-nin “Elmlər Akademiyası” və “28 May” stansiyaları arasında fəaliyyət göstərən M1 nömrəli ekspres marşrutunda sərnişinlərin rahatlığı üçün yenilik tətbiq olunur.

hadiseler.info Azərbaycan Yerüstü Nəqliyyat Agentliyinə (AYNA) istinadən xəbər verir ki, avtobuslara sərnişinlərin minməsi prosesini sürətləndirmək və dayanacaqlarda gözləmə müddətini azaltmaq məqsədilə nəqliyyat vasitələrinə ikinci validatorların (kart oxuma cihazlarının) quraşdırılmasına başlanılıb.

Yeni tətbiq sayəsində sərnişinlər eyni vaxtda həm ön, həm də orta qapıdan avtobus salonuna daxil olaraq gediş haqqını ödəyə biləcəklər.