Mahir Emreli xalqdan üzr istədi

Azərbaycan millisinin futbolçusu Mahir Emreli UEFA Millətlər Liqasının D divizionunun qrup mərhələsində Lixtenşteyn yığması ilə keçirilən matçdan sonra açıqlama verərək azarkeşlərdən və xalqdan üzr istəyib.

hadiseler.info xəbər verir ki, hücumçu komandanın psixoloji baxımdan çətin vəziyyətdə olduğunu bildirib:

“Komanda mental olaraq yaxşı vəziyyətdə deyil. Xalqımızdan üzr istəyirik. Qol epizodlarımız oldu. Bu oyun bizim ayıbımız olaraq yadda qalacaq”.

Qeyd edək ki, hazırda aktivində 2 xalı olan Azərbaycan milli komandası qrupda ikinci pillədə qərarlaşıb. Rəqib Lixtenşteyn isə 1 xalla sonuncu – üçüncü yerdədir.