Manisada doldurma məntəqəsində dəhşətli partlayış: Alov göyə ucalır

Türkiyənin Manisa şəhərinin Salihli rayonunda yerləşən sənaye zonasındakı doldurma məntəqəsində güclü partlayış baş verib.

hadiseler.info “Haber Global”a istinadən xəbər verir ki, hadisə səhər saat 09:00 radələrində qeydə alınıb.

Partlayışdan dərhal sonra əraziyə çoxlu sayda yanğınsöndürən, təcili tibbi yardım və polis briqadaları cəlb olunub. Doldurma obyektində ara-sıra yeni partlayışlar baş verir.

Göyə ucalan qara tüstü rayonun bir çox nöqtəsindən aydın görünür. Ərazidə təhlükəsizlik tədbirləri gücləndirilib, yanğının söndürülməsi istiqamətində işlər davam etdirilir.