Maştağada neft kəmərinə qanunsuz müdaxilə və oğurluq cəhdi: Saxlanılanlar var

Bakının Maştağa qəsəbəsi, Savalan yaşayış massivinin yaxınlığından keçən magistral yeraltı neft kəmərində yanğın baş verməsi barədə polisə məlumat daxil olub.

Hadisələr.info xəbər verir ki, yanğın söndürüldükdən sonra hüquq-mühafizə orqanları tərəfindən əraziyə keçirilən baxış zamanı neft kəmərinə qanunsuz müdaxilə etmək məqsədilə xüsusi əlavə avadanlıqların quraşdırıldığı aşkar edilib.

Polis əməkdaşlarının operativ tədbirləri nəticəsində kəmərə qanunsuz müdaxilə edərək neft oğurluğuna cəhd göstərməkdə şübhəli bilinən 31 yaşlı Kənan Əliyev və əvvəllər məhkum olunmuş 29 yaşlı Araz Yaqubov müəyyən olunaraq saxlanılıblar. Faktla bağlı araşdırmalar davam edir.