Qusarda təcili yardım maşını yük avtomobili ilə toqquşub

Qusar rayonunda təcili tibbi yardım avtomobilinin iştirakı ilə yol-nəqliyyat hadisəsi baş verib.  

hadiseler.info xəbər verir ki, qəza rayonun Sərdar Səfərov və Mübariz İbrahimov küçələrinin kəsişməsində qeydə alınıb.

Hərəkətdə olan təcili tibbi yardım avtomobili ilə yük avtomobili toqquşub. Hadisə zamanı xəsarət alan olmasa da, təcili tibbi yardım avtomobilinə maddi ziyan dəyib.