Reanimasiyada olan Xalq artistinin həyat yoldaşı göstərilən qayğıya görə Prezidentə və birinci xanıma təşəkkür etdi

Azərbaycanın Xalq artisti, tanınmış rejissor və aktyor Aleksandr Şarovakinin səhhəti ağır olaraq qalır.

hadiseler.info xəbər verir ki, bu barədə onun həyat yoldaşı, Xalq artisti Nataliya Şarovakaya açıqlama verib. Aleksandr Şarovskinin Mərkəzi Klinik Xəstəxananın reanimasiya şöbəsində olduğunu bildirən aktrisa həkimlərin mümkün olan hər şeyi etdiyini vurğulayıb.

Nataliya Şarovakaya bu çətin günlərdə göstərdikləri dəstəyə görə Prezident İlham Əliyevə, Birinci vitse-prezident Mehriban Əliyevaya, Heydər Əliyev Fonduna və fondun icraçı direktoru Anar Ələkbərova dərin minnətdarlığını bildirib. Eyni zamanda Azərbaycan Dövlət Akademik Rus Dram Teatrının kollektivi də görkəmli mədəniyyət xadiminə göstərilən diqqət və qayğıya görə ölkə rəhbərliyinə təşəkkürünü ifadə edib.