Mehriban Əliyeva Elmi-Tədqiqat Pediatriya İnstitutunu ziyarət edib-FOTOLAR

Azərbaycan Respublikasının Birinci vitse-prezidenti Mehriban Əliyeva Elmi-Tədqiqat Pediatriya İnstitutunda olub.

hadiseler.info xəbər verir ki, avqustun 26-da Birinci vitse-prezident, Heydər Əliyev Fondunun prezidenti Mehriban Əliyeva, qızları Leyla Əliyeva və Arzu Əliyeva K.Y.Fərəcova adına Elmi-Tədqiqat Pediatriya İnstitutunu ziyarət ediblər. Səhiyyə naziri Teymur Musayev Birinci vitse-prezidentə tibb müəssisəsinin fəaliyyəti barədə məlumat verib.

Ziyarət zamanı institutda yaradılan şəraitlə tanışlıq olub. Həmçinin tibb müəssisəsinin fəaliyyətinin təkmilləşdirilməsi məqsədilə instituta yeni avadanlıqlar – süni ventilyasiya aparatları hədiyyə edilib.