Meksikada hakim rinqdə öldü — VİDEO

Meksikada keçirilən restlinq şousunda faciəvi ölüm hadisəsi baş verib.  

hadiseler.info xəbər verir ki, bu barədə “Azteca Noticias” portalı özünün “X” hesabında məlumat yayaraq bildirib.  

Məlumata görə, İdalqo ştatında təşkil olunan şou zamanı “Fişmanın oğlu” ləqəbli güləşçi Xose Anxel “El Buxo” ləqəbli 75 yaşlı hakim Xerardo Pinyedaya qarşı qadağan olunmuş “martinete” hərəkətini tətbiq edib. Rəqibi başıaşağı çevirib yerə çırparaq boyun və onurğa sütununa kritik yük yaradan bu təhlükəli fənddən sonra rinqə daxil olan tibb əməkdaşları hakimin hadisə yerində öldüyünü elan ediblər.  

Faciəyə səbəb olan güləşçi Xose Anxel dərhal hüquq-mühafizə orqanları tərəfindən saxlanılıb. Ona qarşı qəsdən adam öldürmə ittihamı irəli sürülübvə yaxın 24 saat ərzində onun hüquqi statusu müəyyən ediləcək.