Saniyə fərqi ilə faciənin qarşısını aldı – VİDEO  

Meksikada hərəkətdə olan avtomobillərin qarşısına anidən qaçan balaca qız mağaza əməkdaşının cəldliyi sayəsində vurulmaqdan son anda xilas edilib.  

hadiseler.info xəbər verir ki, Puebla ştatında baş verən həyəcan dolu hadisə ərazidəki təhlükəsizlik kameraları tərəfindən anbaan qeydə alınıb.  

Görüntülərdə azyaşlının sıx nəqliyyat axını olan yola tərəf qaçdığı, bu zaman vəziyyəti anında görən mağaza işçisinin cəld reaksiya verərək irəli atıldığı, yıxılaraq azyaşlını nəqliyyat vasitəsinin altından saniyələr fərqi ilə çəkib götürdüyü aydın görünür. Mağaza əməkdaşının bu fədakarlığı sayəsində ehtimal olunan böyük faciənin qarşısı alınıb.  

Alovlanan qəhrəmanlıq kadrları sosial şəbəkə istifadəçiləri tərəfindən böyük rəğbət və heyranlıqla qarşılanıb.