Meloni İlham Əliyevə təşəkkür edib- FOTO

İtaliyanın Baş naziri Corcia Meloni Azərbaycan Prezidenti İlham Əliyevə və SOCAR prezidenti Rövşən Nəcəfə minnətdarlığını bildirib.

“X” sosial media hesabında paylaşım edən İtaliya hökumətinin rəhbəri “Eni” şirkətindən sonra “IP” şirkətinin də ölkə üzrə yanacağın qiymətini məhdudlaşdırmaq qərarına gəldiyini diqqətə çatdırıb.

Meloni bu mühüm addımın İtaliyada yanacağın bahalaşmasının qarşısını almağa və ailələrin xərclərini azaltmağa töhfə verdiyini qeyd edib. O, Azərbaycan Prezidenti İlham Əliyevə iki ölkə arasında strateji tərəfdaşlığı və əməkdaşlığı daha da gücləndirən bu təşəbbüsə görə xüsusi təşəkkürünü ifadə edib.