Milli Kibertəhlükəsizlik Agentliyində yeni təyinatlar olub

Rəqəmsal İnkişaf və Nəqliyyat Nazirliyinin (RİNN) tabeliyində fəaliyyət göstərən Milli Kibertəhlükəsizlik Agentliyində (MKA) yeni kadr təyinatları reallaşıb.

hadiseler.info “İqtisadiyyat.az”a istinadən xəbər verir ki, bununla bağlı Agentliyin İdarə Heyətinin sədri Fərid Zeynalov müvafiq əmrlər imzalayıb.

Qərara əsasən, Ceyhun Cəfərov Kiber əməliyyatları departamentinin direktoru, Nizami Əliyev İnformasiya Texnologiyaları və infrastruktur təhlükəsizliyi departamentinin direktoru, Sahil Fərzəliyev isə həmin departamentin İnfrastruktur təhlükəsizliyi şöbəsinin müdiri vəzifəsinə təyin ediliblər.

Qeyd edək ki, yeni təyin olunan şəxslər bundan əvvəl də müxtəlif qurumlarda mühüm vəzifələrdə çalışıblar: C.Cəfərov ABB-də, N.Əliyev “Azerikard”da, S.Fərzəliyev isə “Azərsilah” Müdafiə Sənayesi Holdinqində rəhbər vəzifələrdə fəaliyyət göstəriblər.