Mirzoyan Türkiyə  sərhədində

Ermənistanın xarici işlər naziri Ararat Mirzoyan Türkiyə ilə sərhəddə yerləşən “Marqara” keçid məntəqəsinə baş çəkərək oradakı şəraitlə tanış olub.

hadiseler.info xəbər verir ki, səfər çərçivəsində naziri xaricdə akkreditə olunmuş Ermənistan diplomatik korpusunun rəhbərləri müşayiət edib.

Ermənistan Dövlət Gəlirləri Komitəsinin rəhbəri Eduard Akopyan məntəqədə aparılan təmir və yenidənqurma işlərinin yekunlaşdığını və “Marqara” keçid məntəqəsinin istismara tam hazır olduğunu bildirib.

Qeyd edək ki, Türkiyə ilə Ermənistan arasında sərhəd 1993-cü ildən bağlıdır. 2022-ci ilin iyulunda iki ölkə arasında diplomatik pasport sahibləri və üçüncü ölkə vətəndaşlarının quru sərhədindən keçməsi barədə razılıq əldə edilsə də, qərar hələ də tətbiq olunmayıb.