Motosiklet aşıb avtobusun altına düşdü: Qadın sürücü yerindəcə həlak oldu

Türkiyənin Dənizli şəhərində idarəetmədən çıxaraq devrilən motosikletin sürücüsü hərəkətdə olan avtobusun altında qalaraq həyatını təkrarolunmaz şəkildə itirib.

hadiseler.info “Haber Global”a istinadən xəbər verir ki, hadisə Merkezefendi rayonu, Bahçelievler məhəlləsində yerləşən 29 Ekim bulvarında qeydə alınıb.

62 yaşlı Songür Ahatın idarə etdiyi üçtəkərli elektrikli motosiklet yağış səbəbindən sürüşkənləşən yolda idarəetməni itirərək aşıb. Sürüşən qadın eyni istiqamətdə hərəkətdə olan şəhər avtobusunun altına düşüb. Hadisə yerinə cəlb olunan tibb əməkdaşlarının baxışı zamanı 62 yaşlı qadının aldığı ağır xəsarətlərdən keçindiyi müəyyən edilib.

Hadisə yerində hüquq-mühafizə orqanları tərəfindən təhlükəsizlik tədbirləri görülüb, meyit məhkəmə-tibbi ekspertizası üçün morqa aparılıb. Qəza ilə bağlı genişmiqyaslı araşdırmalara başlanılıb.