Naxçıvan-Şahbuz magistralında ağır qəza: 6 yaralı- VİDEO

Naxçıvanda ötmə və ya idarəetmə itməsi nəticəsində ağır yol-nəqliyyat hadisəsi baş verib.

hadiseler.info xəbər verir ki, hadisə Naxçıvan-Şahbuz magistral yolunun Babək rayonunun Vayxır kəndi ərazisindən keçən hissəsində qeydə alınıb. “Mercedes” markalı avtomobilin iştirakı ilə baş verən qəza nəticəsində 6 nəfər müxtəlif dərəcəli bədən xəsarətləri alıb.

Məlumata görə, xəsarət alanlar arasında 9 yaşlı azyaşlı uşaq da var. Yaralıların hamısı təcili tibbi yardım briqadalarının köməyi ilə Naxçıvan Muxtar Respublika Xəstəxanasına çatdırılaraq müvafiq tibbi yardımla təmin olunublar. Faktla bağlı araşdırma aparılır.