Nazir kombaynla pambıq yığdı – VİDEO

Kənd təsərrüfatı naziri Məcnun Məmmədov Saatlı rayonunun Fətəlikənd kəndində pambıq yığım prosesində şəxsən iştirak edib.

hadiseler.info xəbər verir ki, nazir kombaynın sükanı arxasına keçərək pambıq yığıb və sahədə çalışan mexanizator Yasin Zəhəddinovla həmsöhbət olub. Nazir Məcnun Məmmədov mexanizatorun fəaliyyəti və yığımın gedişi ilə yaxından maraqlanıb.

10 illik iş təcrübəsi olan mexanizator Yasin Zəhəddinov nazirə öz fəaliyyəti barədə məlumat verərək, müasir kənd təsərrüfatı texnikalarının pambıq yığımında yaratdığı geniş imkanlardan söhbət açıb.

Qeyd edək ki, sahələrdə pambıq yığımı müasir texnika və mexanizasiya imkanlarından geniş istifadə olunmaqla intensiv şəkildə davam etdirilir.