Nigar Fərhadın həyat yoldaşı həbs edildi

Tanınmış aparıcı Nigar Fərhadın həyat yoldaşı, “AİD Group” xaricdə təhsil şirkətinin rəhbəri Samir Yəhyazadə barəsində həbs qətimkan tədbiri seçilib.

Hadisələr.info “Qafqazinfo”ya istinadən xəbər verir ki, hüquq-mühafizə orqanlarının apardığı ilkin araşdırmalar çərçivəsində S. Yəhyazadəyə Cinayət Məcəlləsinin 178.3.2-ci (külli miqdarda dələduzluq) və 308-ci (vəzifə səlahiyyətlərindən sui-istifadə etmə) maddələri ilə ittiham irəli sürülüb. Məhkəmənin qərarı ilə onun barəsində 3 ay müddətinə həbs qətimkan tədbiri qəbul olunub.

Qeyd edək ki, “AİD Group”un təsisçisi, aparıcı Nigar Fərhad və anası Arzu Əliyeva da dindirilib, onlar barəsində də araşdırmalar davam etdirilir. Bununla yanaşı, aparıcının ölkəni tərk etməsi ilə bağlı sosial şəbəkələrdə yayılan şayiələrin real faktlara əsaslanmadığı diqqətə çatdırılıb.