Norveç Kralı VIII Hokon parlamentdə and içib

Norveç Kralı VIII Hokon sentyabrın 1-də ölkə Konstitusiyasına uyğun olaraq parlament (Stortinq) qarşısında and içib.

hadiseler.info “İnterfaks”a istinadən xəbər verir ki, yeni monarx formal olaraq “Söz verirəm və and içirəm ki, Norveç Krallığını onun Konstitusiyasına və qanunlarına uyğun idarə edəcəyəm, Uca və hər şeyi bilən Allah mənə kömək olsun!” deyərək and içib. Norveç Konstitusiyasının 9-cu maddəsinə əsasən, Stortinqdə keçirilən bu mərasim ən mühüm konstitusiya aktlarından biri sayılır və kralın səlahiyyətlərinin Əsas Qanunla məhdudlaşdırıldığını təsdiqləyir.

Qeyd edək ki, hazırda Norveçdə iki kraliça var: Kral VIII Hokonun həyat yoldaşı, “Onun Kral Həzrətləri” titulunu daşıyan Mette-Marit və avqustun 28-də 89 yaşında vəfat etmiş V Haraldın dul xanımı, “Əlahəzrət” tituluna malik Sonya.