Ombudsman Özbəkistanda beynəlxalq konfransda çıxış etdi-FOTOLAR

Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Özbəkistanın paytaxtı Daşkənd şəhərində keçirilən “Rəqəmsal transformasiya kontekstində insan hüquqları: müasir yanaşmalar” mövzusunda beynəlxalq elmi-praktik konfransda iştirak edib.

hadiseler.info xəbər verir ki, Səbinə Əliyeva panel sessiyada rəqəmsal dünyada qadın hüquqlarının qorunması, gender bərabərliyi və süni intellektin etik tətbiqi istiqamətində vacib fikirlər səsləndirib. Müvəkkil informasiya texnologiyalarının qadınların təhsilə və cəmiyyətə inteqrasiyasına yaratdığı imkanları vurğulayıb.

Səfər çərçivəsində Azərbaycan Ombudsmanı Özbəkistan Ali Məclisinin Senatında, Qanunvericilik Palatasında və Konstitusiya Məhkəməsində bir sıra mühüm rəsmi görüşlər keçirərək ikitərəfli əməkdaşlıq perspektivlərini müzakirə edib.