Onlar universitetə imtahansız qəbul oldular: DİM qaliblərin siyahısını təsdiqlədi

Azərbaycanda xüsusi nailiyyətləri olan abituriyentlər 2026-2027-ci tədris ili üçün ali təhsil müəssisələrinə müsabiqədənkənar (imtahansız) qəbul olunmaq hüququ qazanıblar.

hadiseler.info Dövlət İmtahan Mərkəzinə (DİM) istinadən xəbər verir ki, beynəlxalq və respublika fənn olimpiadalarının, beynəlxalq yarışların qalibləri, eləcə də beynəlxalq akkreditasiyalı təhsil proqramlarının məzunları DİM-ə müraciət edərək sənədlərini təsdiqlədib və ixtisas seçiminə cəlb olunublar.

Nəticələrə görə, bu il 3 nəfər beynəlxalq fənn olimpiadası, 104 nəfər respublika fənn olimpiadası qalibi kimi, 63 nəfər isə beynəlxalq səviyyədə akkreditasiya olunan proqram (IB) üzrə təhsil aldığı üçün ali məktəblərə imtahansız yerləşdirilib.

Həmçinin SAT imtahanının nəticələrinə görə və ADA məktəbinin məzunu olaraq ümumilikdə 520 abituriyent ADA Universitetinə qəbul haqqı əldə edib.