Pakistan ordusu Əfqanıstanla sərhəddə 20-dən çox terrorçunu zərərsizləşdirib

Pakistan Təhlükəsizlik Qüvvələri sentyabrın 3-dən 5-dək Xeybər-Paxtunxva vilayətində keçirilən xüsusi əməliyyatlar zamanı 20-dən çox terrorçunu məhv edib.

hadiseler.info xəbər verir ki, bu barədə Pakistan Silahlı Qüvvələrinin rəsmi media resursu olan ISPR məlumat yayıb.

Məhv edilən silahlıların ölkədə qadağan olunmuş “Fitnə-əl-Xəvaric” (TTP) təşkilatına mənsub olduqları bildirilib. Məlumatda vurğulanıb ki, sentyabrın əvvəlindən Əfqanıstanla sərhəddən Pakistana sızmağa çalışan 25 terrorçu Şimali Vəziristan dairəsində zərərsizləşdirilib.

“Təhlükəsizlik qüvvələri Pakistanın sərhədlərinin qorunması işinə sadiqliyində qətiyyətli və sarsılmaz olaraq qalır, transsərhəd terrorizmi üçün sərhəd ərazilərindən istifadə cəhdlərinin qarşısını almağa davam edəcək”, – deyə bəyanatda vurğulanıb.

Qeyd olunub ki, antiterror tədbirləri ölkə üzrə yürütülən “Əzmi-İstehkam” kampaniyası çərçivəsində həyata keçirilir.