Paşinyandan etiraf: “O kəndlər Ermənistana aid deyil”

Ermənistanın Baş naziri Nikol Paşinyan Azərbaycanla anklavlar məsələsi və sərhədlərin delimitasiyası barədə mühüm açıqlamalar verib.

hadiseler.info xəbər verir ki, hökumətin iclasından sonra keçirilən brifinqdə çıxış edən Paşinyan Alma-Ata Bəyannaməsinə əsasən Kərki, Barxudarlı və Yuxarı Əskiparanın Ermənistana aid olmadığını bildirib. Baş nazir vurğulayıb ki, qeyd olunan prinsiplərə uyğun olaraq yalnız Başkənd (Artsvaşen) Ermənistan ərazisi sayılır.

O, 1991-ci ilin inzibati sərhədləri əsasında delimitasiya prosesinin davam etdiriləcəyini və artıq Kirants istiqamətində sərhədin bir hissəsinin müəyyənləşdirildiyini diqqətə çatdırıb.