Polşada qatar relsdən çıxdı- Yaralılar var – VİDEO

Polşanın şərqində sərnişin qatarının dəmir yolu keçidində yük maşını ilə toqquşması nəticəsində ağır yol-nəqliyyat hadisəsi baş verib.

hadiseler.info xəbər verir ki, hadisə Pşisuxa yaşayış məntəqəsinin yaxınlığında “Intercity” şirkətinə məxsus qatarın iştirakı ilə qeydə alınıb. Lyublin — Şşetsin marşrutu ilə hərəkət edən qatarda qəza anında 120 sərnişin olub.

Toqquşmanın zərbəsindən qatarın bütün altı vaqonu qismən relsdən çıxıb. Hadisə nəticəsində ən azı 20 nəfər müxtəlif dərəcəli xəsarətlər alıb. Həkimlər yaralılardan dördünün — o cümlədən yük maşınının sürücüsünün vəziyyətini ağır kimi qiymətləndirirlər.

Faktla bağlı araşdırma aparılır.