Prezident Administrasiyasının Vətəndaş Qəbulu Mərkəzinin sentyabr ayı üçün cədvəli açıqlanıb

Azərbaycan Respublikası Prezidenti Administrasiyasının Vətəndaş Qəbulu Mərkəzində 2026-cı ilin sentyabr ayında vətəndaşların qəbulu cədvəli müəyyənləşib.

hadiseler.info xəbər verir ki, cədvələ əsasən sentyabr ayı boyunca Prezident Administrasiyasının məsul şəxsləri və rəhbər heyəti tərəfindən vətəndaşların qəbulu həyata keçiriləcək.

Sentyabr ayı üzrə qəbul günləri:

 1 sentyabr: Prezidentin köməkçisi – Ərazi-təşkilat məsələləri şöbəsinin müdiri Zeynal Nağdəliyev

 2, 16 sentyabr: Prezidentin köməkçisi – Hüquq muhafizə orqanları ilə iş şöbəsinin müdiri Fuad Ələsgərov

 3 sentyabr: Hərbi məsələlər şöbəsinin müdiri Fərid Seyidov

 4, 11, 25 sentyabr: Birinci vitse-prezidentin Katibliyinin rəisi Altay Həsənov

 4 sentyabr: Vətəndaşların müraciətləri ilə iş şöbəsinin müdiri Süleyman İsmayılov

 7 sentyabr: Prezidentin köməkçisi – İqtisadi siyasət və sənaye məsələləri şöbəsinin müdiri Natiq Əmirov

 8 sentyabr: Humanitar siyasət, diaspor, multikulturalizm və dini məsələlər şöbəsinin müdiri Fərəh Əliyeva

 9 sentyabr: Prezidentin köməkçisi – Dövlət nəzarəti məsələləri şöbəsinin müdiri Kərəm Həsənov

 10 sentyabr: Prezidentin köməkçisi – İqtisadi məsələlər və innovativ inkişaf siyasəti şöbəsinin müdiri Şahmar Mövsümov

 11 sentyabr: Prezidentin köməkçisi – Xarici siyasət məsələləri şöbəsinin müdiri Hikmət Hacıyev

 14 sentyabr: Gənclər siyasəti və idman məsələləri şöbəsinin müdiri Yusuf Məmmədəliyev

 15 sentyabr: Prezidentin Mətbuat katibi Orxan Səttarov, Qeyri-hökumət təşkilatları ilə iş və kommunikasiya şöbəsi, həmçinin Hüquq mühafizə orqanları ilə iş şöbəsinin Əfv məsələləri sektoru

 17 sentyabr: Dövlət qulluğu və kadr məsələləri şöbəsinin müdiri Tələt Məcidov

 18 sentyabr: Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev

 21 sentyabr: Ağdam, Füzuli və Xocavənd rayonlarında Prezidentin xüsusi nümayəndəsi Emin Hüseynov

 22 sentyabr: Laçın rayonunda Prezidentin xüsusi nümayəndəsi Məsim Məmmədov və Şuşa rayonunda Prezidentin xüsusi nümayəndəsi Aydın Kərimov

 23 sentyabr: Kəlbəcər rayonunda Prezidentin xüsusi nümayəndəsi Bəşir Hacıyev

 24 sentyabr: Xankəndi şəhərində, Ağdərə və Xocalı rayonlarında Prezidentin xüsusi nümayəndəsi Elçin Yusubov

 25 sentyabr: Qanunvericilik və hüquq siyasəti şöbəsinin müdiri Gündüz Kərimov, habelə Cəbrayıl, Qubadlı və Zəngilan rayonlarında Prezidentin xüsusi nümayəndəsi Vahid Hacıyev

Bundan əlavə, Azərbaycan Respublikası Təhlükəsizlik Şurasının katibi Ramil Usubov tərəfindən də vətəndaşların qəbulu nəzərdə tutulub.