Prezident İlham Əliyev Sadır Japarova təbrik məktubu ünvanlayıb

Azərbaycan Respublikasının Prezidenti İlham Əliyev Qırğız Respublikasının Prezidenti Sadır Japarova təbrik məktubu ünvanlayıb.

hadiseler.info xəbər verir ki, dövlət başçısı Qırğızıstanın müstəqilliyinin 35-ci ildönümü münasibətilə Sadır Japarovu və onun simasında bütün qardaş Qırğız xalqını öz adından və Azərbaycan xalqı adından səmimi-qəlbdən təbrik edib.

Prezident İlham Əliyev məktubunda iki ölkə arasındakı münasibətlərin müttəfiqlik səviyyəsinə yüksəlməsindən məmnunluğunu ifadə edərək, Azərbaycan-Qırğızıstan əlaqələrinin birgə səylərlə bundan sonra da yüksələn xətt üzrə inkişaf edəcəyinə və güclənəcəyinə əminliyini bildirib. Dövlət başçısı qardaş Qırğızıstan Respublikasına daim əmin-amanlıq və firavanlıq arzulayıb.