Prezident İlham Əliyev Türkmənistanla imzalanan mühüm sənədləri təsdiqlədi

Prezident İlham Əliyev Azərbaycan Respublikası Hökuməti ilə Türkmənistan Hökuməti arasında imzalanmış bir sıra mühüm ikitərəfli sənədlərin təsdiq edilməsi haqqında fərmanlar imzalayıb.

hadiseler.info xəbər verir ki, təsdiqlənən sənədlər sırasına 2026-cı il iyunun 22-də Bakıda imzalanmış iqtisadi əməkdaşlığın inkişafı və dərinləşdirilməsi haqqında Saziş, müdafiə sahəsində əməkdaşlıq haqqında Anlaşma Memorandumu və energetika sahəsində əməkdaşlıq haqqında Saziş daxildir.

Fərmanlara əsasən, aidiyyəti üzrə İqtisadiyyat, Müdafiə və Energetika nazirlikləri həmin sənədlərin müddəalarının həyata keçirilməsini, Xarici İşlər Nazirliyi isə zəruri dövlətdaxili prosedurların tamamlandığı barədə qarşı tərəfə bildiriş göndərilməsini təmin etməlidir.