Prezident İtaliyanın Baş nazirini təbrik edib

Azərbaycan Respublikasının Prezidenti İlham Əliyev İtaliyanın Baş naziri Corcia Melonini İtaliya tarixində ən uzun müddət vəzifədə çalışan Baş nazir olması münasibətilə təbrik edib.

hadiseler.info xəbər verir ki, təbrik dövlət başçısının “X” sosial media hesabında paylaşılıb. İlham Əliyev paylaşımında belə deyib:

“İtaliya Respublikasının tarixində ən uzun müddət Baş nazir vəzifəsində çalışan şəxs olması münasibətilə İtaliyanın Baş naziri Corcia Meloniyə səmimi təbriklərimi çatdırıram.

Bu tarixi nailiyyət onun güclü liderliyini, siyasi qətiyyətini və İtaliya xalqının ona olan etimadını əks etdirir.

Baş nazir Meloninin Azərbaycan ilə İtaliya arasında strateji tərəfdaşlığın möhkəmləndirilməsində şəxsi rolunu və dəyərli töhfəsini yüksək qiymətləndirirəm.

Əminəm ki, dostluğumuz və qarşılıqlı faydalı əməkdaşlığımız ölkələrimizin və xalqlarımızın rifahı naminə bundan sonra da dərinləşəcək və genişlənəcək”.