Prezidentlə xanımı Əziz Yıldırım və qızı ilə görüşdü

Prezident İlham Əliyev və birinci xanım Mehriban Əliyevanın Hərbi Dəniz Qüvvələrində keçirilən görüşündə “Fənərbaxça” klubunun sabiq başçısı Əziz Yıldırım və qızı Hande Yıldırım da iştirak ediblər.

hadiseler.info “Qafqazinfo”ya istinadən xəbər verir ki, dövlət başçısı və birinci xanım Hərbi Dəniz Qüvvələrində Türkiyə şirkətlərinin fəaliyyəti və birgə həyata keçirilən layihələrlə tanış olublar.

Səfər çərçivəsində Müdafiə Nazirliyinin “MİRAS Hərbi-Sənaye Şirkəti” MMC və Ə. Yıldırıma məxsus Türkiyənin “DEARSAN Gəmi İnşaat Sənaye” AŞ-nin birgə istehsalat sahəsində hazırlanan hərbi texnikalar təqdim edilib. Prezident İlham Əliyevə və Mehriban Əliyevaya “SALVO” (SİDV) silahlı insansız dəniz vasitələri ilə “KAYRA” (KİDV) kamikadze insansız dəniz vasitələrinin təyinatı və taktiki-texniki xüsusiyyətləri barədə ətraflı məlumat verilib.