Prokuror mayora 10 il həbs istədi

Bakı Hərbi Məhkəməsində mayor Rasim Həsənovun barəsində gözlənilməz məhkəmə hökmü çıxarılıb.

hadiseler.info xəbər verir ki, Korrupsiyaya qarşı Mübarizə Baş İdarəsi tərəfindən rüşvətalma və vəzifə səlahiyyətlərini aşma maddələri ilə təqsirləndirilən mayor üçün dövlət ittihamçısı 10 il azadlıqdan məhrumetmə cəzası tələb edib.

Lakin Bakı Hərbi Məhkəməsi əməli dələduzluq maddəsinə tövsif edərək təqsirləndirilən şəxsə yalnız 7 000 manat cərimə kəsib. Həsənovun həbsdə qaldığı müddət nəzərə alınaraq cərimə 5 000 manata endirilib. Hökm dövlət ittihamçısına təqdim edildikdən sonra apellyasiya protestinin verilməsi məsələsinə baxılacaq.