“Bu yoldan üzü o tərəfə ölümdür…” — Bakıda sonu uçurum olan küçə-VİDEO

Paytaxtın Qaradağ rayonu, Lökbatan qəsəbəsi, Rasim Məmmədov küçəsi, 8-ci döngədə sonu uçurum olan yol sosial şəbəkələrdə böyük müzakirələrə səbəb olub.

hadiseler.info xəbər verir ki, məhəllədaxili yolda heç bir xəbərdaredici nişanın olmaması xüsusilə ərazidən ilk dəfə keçən və gecə saatlarında hərəkət edən sürücülər üçün ciddi həyati təhlükə yaradır. Sakinlər bildirirlər ki, təhlükənin qarşısını almaq üçün küçənin sonuna öz gücləri ilə torpaq töküblər.

Məsələ ilə bağlı Qaradağ Rayon İcra Hakimiyyətindən bildirilib ki, ərazi nəzarətə götürülüb. Yaxın vaxtlarda aidiyyəti qurum tərəfindən xəbərdaredici nişanların və təhlükəsizlik baryerlərinin quraşdırılması təmin olunacaq.