ABŞ-nin ən yaşlı məhbusu 101 yaşında vəfat etdi — 70 il həbsdə qaldı  

ABŞ-də ən uzun müddət həbsdə qalan şəxslərdən biri kimi tarixə düşən Frensis Klifford Smit vəfat edib.  

hadiseler.info xəbər verir ki, BBC News-un yaydığı məlumata əsasən, 101 yaşlı Smit qocalar evində yuxuda ikən dünyasını dəyişib.  

O, 1949-cu ildə yaxt-klubun gözətçisini öldürməkdə təqsirləndirilərək edam cəzasına məhkum edilmişdi. İllər ərzində 8 dəfə edam vaxtı təxirə salınan Smit günahsız olduğunu bildirib. 1954-cü ildə onun cəzası ömürlük həbslə əvəzlənib. Ümumilikdə 70 ildən çox həbs həyatı yaşayan Smit 2020-ci ildə yaşlı məhbuslar üçün nəzərdə tutulmuş baxımevinə köçürülmüşdü.