Qaxda sürücü BMW-ni ağaca çırpdı – VİDEO

Qax rayonunda xilasedicilərin müdaxiləsini tələb edən yol-nəqliyyat hadisəsi baş verib.

hadiseler.info xəbər verir ki, bu barədə Fövqəladə Hallar Nazirliyi (FHN) məlumat yayıb.

Hadisə Qax rayonunun Suskənd kəndi ərazisində qeydə alınıb. 1985-ci il təvəllüdlü İradə Nürəddin qızı İsmayılovanın idarə etdiyi “BMW” markalı minik avtomobili idarəetmədən çıxaraq yol kənarındakı ağaca çırpılıb. Qəza nəticəsində nəqliyyat vasitəsi deformasiyaya uğrayıb və sürücü avtomobildə sıxılı vəziyyətdə qalıb.

Məlumatla əlaqədar hadisə yerinə dərhal FHN-in Dövlət Yanğından Mühafizə Xidməti Zaqatala Rayon Yanğından Mühafizə Hissəsinin yanğısöndürən-xilasediciləri cəlb olunublar. Xilasedicilər xüsusi vasitələrin köməyi ilə İ.İsmayılovanı avtomobildən çıxararaq təcili tibbi yardım briqadasına təhvil veriblər.

Faktla bağlı müvafiq qurumlar tərəfindən araşdırma aparılır.