Qubada yol qəzası: 5 nəfər xəsarət aldı

Quba rayonu ərazisində minik və yük avtomobillərinin toqquşması ilə nəticələnən yol-nəqliyyat hadisəsi baş verib.

hadiseler.info xəbər verir ki, hadisə avqustun 17-si saat 14 radələrində Bakı–Quba avtomobil yolunun Pirvahid kəndindən keçən hissəsində qeydə alınıb.

Qəza zamanı “Mercedes” markalı minik avtomobili ilə “İveco” markalı yük maşını toqquşub. Hadisə nəticəsində 5 nəfər müxtəlif dərəcəli bədən xəsarətləri alıb.

Faktla bağlı aidiyyəti qurumlar tərəfindən araşdırma aparılır.