Ramiz Mehdiyevin kitabları kitabxanalardan yığışdırılır

Ramiz Mehdiyevin Azərbaycan Milli Elmlər Akademiyasının üzvlüyündən çıxarılması ilə bağlı qərarlardan sonra onun adına nəşr edilmiş əsərlərin elmi məzmunu, müəllifliyi və tədrisdə istifadəsi araşdırma mövzusuna çevrilib.

hadiseler.info Modern.az-a istinadən xəbər verir ki, R.Mehdiyevin əsərlərinin elmi ekspertizadan keçirilməsi, tədris materialı kimi istifadəsinə yenidən baxılması və kitabxanaların fondlarından çıxarılması nəzərdə tutulur.

Araşdırma zamanı aşağıdakı istiqamətlər üzrə yoxlamaların aparılması gözlənilir:

 Müəlliflik hüququ və əsərlərin yazılması: Onun adına çap olunan elmi işlərin başqa şəxslər tərəfindən hazırlanması iddialarının, ilkin əlyazmaların, nəşriyyat sənədlərinin və redaktə materiallarının yoxlanılması, müəllifliklə elmi redaktorluq və məsləhətçilik arasındakı fərqlərin aydınlaşdırılması.

 Elmi istinadların qiymətləndirilməsi: Dissertasiyalarda, monoqrafiyalarda, dərsliklərdə və elmi məqalələrdə onun əsərlərinə edilən istinadların məzmununun nəzərdən keçirilməsi, onların tədqiqatlara real töhfə verib-vermədiyi, yoxsa formal xarakter daşıdığının müəyyənləşdirilməsi.

 Tədris proqramlarından çıxarılması: Universitetlərin fənn proqramlarında, sillabuslarında və tövsiyə olunan ədəbiyyat siyahılarında yer alan kitabların araşdırılaraq tədris materialı kimi istifadəsinə yenidən baxılması.

 Fondulardan yığışdırılma: Aparılan tədbirlər çərçivəsində Ramiz Mehdiyevin kitablarının bütün kitabxanaların fondlarından çıxarılması həyata keçiriləcək.

Xatırladaq ki, dövlətə xəyanət, hakimiyyəti zorla ələ keçirmə və digər ağır ittihamlarla mühakimə olunan Ramiz Mehdiyev Bakı Ağır Cinayətlər Məhkəməsinin 27 oktyabr 2026-cı il tarixli hökmü ilə 14 il azadlıqdan məhrum edilib, yaşı və sağlamlıq vəziyyəti nəzərə alınaraq cəzanın şərti tətbiqinə qərar verilib, eləcə də əmlakının müsadirə olunması nəzərdə tutulub.