Robert Köçəryan və iki oğlu saxlanıldı

Ermənistanda keçmiş prezident Robert Köçəryana və onun ailə üzvlərinə qarşı genişmiqyaslı xüsusi əməliyyat keçirilib.

hadiseler.info Ermənistan mediasına istinadən xəbər verir ki, Milli Təhlükəsizlik Xidməti və Antikorrupsiya Komitəsinin əməkdaşları səhər saatlarında Robert Köçəryanın, eləcə də oğlu Levon Köçəryanın evində axtarışlar apararaq onları saxlayıblar.

Son məlumatlara görə, Robert Köçəryanın digər oğlu Sedrak Köçəryan da saxlanılaraq Korrupsiyaya Qarşı Mübarizə Komitəsinə aparılıb. Əməliyyatlar çərçivəsində səhmdarları arasında Sedrak Köçəryanın da yer aldığı “Yerevan Toyota” avtosalonunun fəaliyyəti dayandırılıb.

Antikorrupsiya Komitəsinin mətbuat katibi Marina Ohancanyan faktı təsdiqləyərək bildirib ki, korrupsiya işləri üzrə istintaq çərçivəsində onlarla ünvanda axtarışlar həyata keçirilir. Həmçinin Köçəryan ailəsinə məxsus “Orange Premium Fitness Club”da da əməliyyat-istintaq tədbirlərinin davam etdiyi vurğulanır.